Kohët e fundit jam duke punuar në një projekt të ri, kështu që më është dashur që ti hyj më thellë WordPress e të mësoj edhe më shumë gjëra si mund të bëhet modifikime të shumta pa pasur nevojë për plugin. Fundja pluginet nuk bëjnë gjë tjetër vecse ju heqin lodhjen e modifikimeve manuale në template. Kështu që herë pas here do të shkruaj në blogun tim ndonjë hack të vogël të wordpress që ndoshta ju hyn në punë.

Si fillim po e nis me një problem të vogël që mund të ketë një template. Në fund besoj të gjithë kanë një copyright edhe vitin aty. Psh Romeolab – Informatika Shqiptare : Copyright 2009-2010

Si e shihni edhe vet si vit i parë vihet viti i krijimit të blogut/faqes edhe si vit i dytë ai aktuali. Problemi qëndron se vitet ikin edhe ne do na duhet ta ndryshojmë atë sa her ndërrohet një vit, gjë që nuk është shumë praktike. Kështu që ne mund të modifikojmë kodin që gjëndet në footer.php që vitet të ndërrohen automatikisht. Më poshtë po jap edhe kodin se si mund të bëhet kjo:

&copy; <?php bloginfo('name'); ?> 2009 - <?php echo date("Y"); ?>

Shenja © bën që të shfaqet “logoja” e copyright. Funksioni i dyt i bënë call emrit të blogut tuaj. Këtë mund ta ndryshoni në panelin e administrimit sa herë të doni. Kurse funksioni i tretë tregon vitin aktual.

Normalisht un kam vendosur 2009 aty si vit krijimit të blogut tim, por ju mund ta ndryshoni atë manualisht.

Shpresoj që ti hyj në punë dikujt edhe pse nuk është ndonjë gjë e madhe por që ju kursen disa minuta punë.

Ndrysho Copyright – WordPress Hack është një postim nga: RomeoLab.Com

Nëse përdorni WordPress e dini shumë mirë që keni mundësi të përdorni një avatar universal duke ngarkuar atë tek llogaria juaj në Gravatar. Nëse nuk e dini se si funksionon ky shërbim, lexoni këtë artikull.

Problemi nuk qëndron tek fakti i përdorimit të Avatarëve (Gravatar), problemi qëndron tek shfaqja e avatarëve të personave të ndryshëm të cilët nuk kanë një llogari në Gravatar. Pra në vend që ti shfaqet dicka në komentet e tyre shfaqet i ashtëquajturi “Mystery Man“. Gjithashtu ju keni mundësinë që në menunë e administrimit të zgjidhni edhe disa lloje të tjera avatarësh si Monster ID apo Wavatar.

Po sikur të keni një avatar tuaj të personalizuar edhe në vënd që të shfaqen këto gjërat e çuditshme të shfaqet një logo e faqes tuaj? Nuk do të ishte kjo një mundësi e mirë edhe më e lezetshme sesa “Mystery Man”?

Më poshtë do ju tregoj një WordPress Hack të vogël se si të bëni këtë gjë. Pra le të nisim.

Në rradhë të parë duhet të shikoni se çfarë madhësia ka Avatari që shfaqet në komentet tuaja. Psh në rastin tim bëhet fjalë për një avatar 48 x 48 px. E ndërtoj pastaj një avatar me këtë madhësi por me logon e faqes time (ju mund të vendosni atë që doni). Pastaj e ngarkoj tek dosja images e dosjes së themes time.

Mbasi kam bërë këto gjëra, atëher hap dokumentin functions.php të Themes që përdor edhe shtoj rrjeshtat e mëposhtëm.

add_filter( 'avatar_defaults', 'newgravatar' );

function newgravatar ($avatar_defaults) {
$myavatar = get_bloginfo('template_directory') . '/images/RomeoLab.png';
$avatar_defaults[$myavatar] = "RomeoLab";
return $avatar_defaults;
}

Ruaj ndryshimet edhe shkoj tek Settings -> Discussion.

Në fund duhet t’ju dali edhe mundësia e Avatarit tuaj. Shihni fotografinë më poshtë.

Zgjidhni atë që dëshironi edhe ruani ndryshimet. Që tani e tutje në faqen tuaj, të gjitha komentet pa një avatar të lidhur do të shfaqen me atë të personalizuarin tuaj.

Shpresoj që t’ju ket ardh disi në ndihmë kjo gjë e vogël.

Perdor Avatarin Tend [WP Hack] është një postim nga: RomeoLab.Com

Ky është një tjetër WordPress Plugin i përkthyer në Shqip nga unë. I shtohet numrit aktual të plugineve duke e zgjeruar atë edhe duke e bër këtë platformë sa më të përdorueshme në gjuhën tonë mëmë. Po mundohem të përkthej pluginet kryesore e më të nevojshme për të gjithë.

Download Monitor (Shqip) është një postim nga: RomeoLab.Com

Për mendimin tim WordPress është CMS-ja më e mirë momentalisht në qarkullim. Nga shumë prej jush njihet si një platformë për Blogje por me anë të WordPress ju mund të bëni shumë faqe të tjera. Më poshtë do ju tregoj disa shembuj konkret të përdorimit të WordPress. Ju mund të ndërtoni faqe me një tematikë shumë ndryshe nga Blogjet. Kjo realizohet me anë të Plugineve apo templateve të ndryshme. Le të nisim pra të shohim mënyrat e ndryshme.

WordPress e-Commerce

Ky Plugin e kthen WordPress në një dyqan online të vërtetë. Ndryshe nga shumë CMS të tilla që kushtojnë, ky aktuali është FALAS edhe i lejuar për të gjitha përdorimet.

WishList Member

Ky Plugin e kthen WordPress në një faqe anëtarësh me pagesë. Me anë të këtij plugini ju mund të monetizoni faqen tuaj. Gjithashtu nuk duhet harruar që për këtë plugin duhe të paguani.

WP Review Site

Ky Plugin kthen faqen tuaj të WordPress në një faqe për Review. Mund ta përshtatni sipas dëshirave tuaja. Plugini kushton edhe ju duhet një liçencë prej 97 $.

Forum bbPress

bbPress është një plugin i lëshuar nga vet zhvilluesit e WordPress, i cili e kthen WordPress në një Forum. Plugini është falas edhe mund ta përdorni për t’ja përshtatur faqes tuaj.

WordPress Wiki

Kjo është një template e cila e kthen faqen tuaj në një Wiki. Ka të integruar një Plugin për FAQ që ju lehtëson punën. Template kushton 30 $.

JobPress

JobPress integron një platformë punë në WordPressin tuaj. Vjen me të gjithë gjërat e duhura edhe ekstra të shumta. Gjithashtu ky plugin mund të përdoret për të monetizuar faqen tuaj.

ClassiPress

ClassiPress është një Plugin që e kthen WordPressin në një faqe njoftimesh. Kohët e fundit po aplikohet edhe nga faqe shqiptare me shumë sukses.

Këto ishin disa shembull të shumëllojshmërisë që mund të bëni me WordPress. Në ditë në vazhdim mund të nxjerr edhe shembuj të tjerë për t’ju treguar sesa i fuqishëm është ky CMS. Besoj për shumë WebProgrammer e Designer do i thjeshtonte goxha punë edhe pse disa e “urrejnë”.

Menyra si me perdor WordPress është një postim nga: RomeoLab.Com

Versioni i WordPress 2.8.5 mendohet të jetë i fundit i rradhës 2.8.* . Ky version doli në qarkullim për shkak të një rreziku që krijonte versioni i mëparshëm. Pikërisht ishte e mundur bërja e sulmeve DoS nga trackback që kishte wordpress. Menjëherë sa u bë ky sinjalizim, brënda 2-3 orëve dolën disa “plugine” ose “tutoriale” se si të mbroheshim, ndërsa mbas 24 orësh doli edhe versioni i ri i WordPress që mënjanonte këtë problem. Ky ishte edhe ndryshimi kryesor në këtë version pa përmendur edhe të drejtën që i jepet të gjithëve me ngarkuar fotografi nga menuja administratorit.

Ju këshilloj ti bëni menjëherë përditësim versionit të vjetër sepse jeni të rrezikuar nga sulmet e ndryshme.

Gjithashtu po ju jap edhe versionin e fundit të WordPress në gjuhën Shqipe. Mënyren e instalimit e gjeni tek postimi im i mëparshëm.

Nëse keni pyetje apo paqartësi atëher jeni të lutur të shkruani në koment. Gjithashtu edhe sugjerimet janë të mirëpritura.

WordPress 2.8.5 Shqip është një postim nga: RomeoLab.Com

Pas një kohe të gjat vjen një tjetër Update për pluginin tim Alsociable. Në këtë update jan ndryshuar disa gjëra të vogla edhe është shtuar një faqe e re. Faqja quhet RuajFaqet.Com e cila është një platformë e re në tregun Shqiptar. Me anë të kësaj faqeje ju mund të ruani të gjithë linket e preferuara. Pra nuk do ju duhet më ti mbani mend të gjitha, thjeshtë rregjistrohini në këtë faqe edhe mbaroi puna.

Një mundësi tjetër është edhe fakti që mund ti shikoni faqet e tuaja të preferuara nga cdo kompjuter që dëshironi. Nuk ka rëndësi nëse jeni në shtëpi, nëse jeni në punë apo diku tjetër. Mjafton të hyni në RuajFaqet.Com edhe do të keni linket e preferuara. Gjithashtu një mundësi tjetër është edhe shpërndarja e linkeve miqve tuaj apo personave të tjerë. Nuk doni të bëhen linket publike? Asnjë problem, keni gjithashtu edhe një opsion që ju bën ti keni linket privat.

Pra nuk ju ka mbet gjë tjetër vecse të provoni këtë faqe, e aq më shumë të shkarkoni versionin e ri të Plugini Alsociable i cili e ka të integruar.

• Vizitoni RuajFaqet.Com

RuajFaqet ne Alsociable është një postim nga: RomeoLab.Com

Në Chatin e Programuesve të WordPress u bë e ditur që më 31 Tetor do të dal versioni i parë Beta i rradhës 2.9. Gjithashtu u përcaktua edhe një “Features Freeze” që do të thotë që gjer në versionin përfundimtar 2.9 nuk do të shtohen gjëra të reja, përvec atyre të paramenduara.  Kjo gjë ndihmon në përqëndrimin edhe në zhvillimin e atyre gjërave që momentalisht nxjerrin probleme.  Por në këtë mes ka 3 përjashtime edhe ato janë:

• Menazhimi i mediave – shiko skicat
• oEmbed – lidhja e videove vetem me URL
• Post Thumb – imazhe të vogla për artikujt

Këto opsione do të zhvillohen më tej edhe do të përmirësohen që në versionin përfundimtar të jen perfekte.

Gjithashtu u bë e ditur që cdo javë do të lëshohet një Release Candidate. Versioni përfundimtar i WordPress 2.9 pritet të jetë në periudhën midis mesit të Nëntorit edhe fillimit të Dhjetorit.

Gjithashtu u dhanë edhe informacione të vogla mbi versionin 3.0 të WordPress, i cili do të nis menjëherë sapo të lëshohet Release Candidate e parë e versionit 2.9.

Le të presim pra e të shohim cfarë do na ofroj WordPress në të ardhmen edhe gjërat e reja që do të ketë. Unë personalisht me zor pres të dali versioni i ri 2.9

Datat e WordPress 2.9 është një postim nga: RomeoLab.Com

Ky është plugini i dytë që po ofroj në gjuhën Shqipe. Gjithashtu ju mund të gjeni plugin të tjerë Shqip në kategorinë Plugin Shqip. Nëse keni sugjerime, këshilla apo përmirësime, atëher jeni të lutur të na shkruani. Gjithashtu nëse ka dicka që nuk është përkthyer qartë në gjuhën shqipe apo gabim, të na tregoni sepse na ndihmoni shumë.

SI CAPTCHA Anti-Spam WP Plugin – SHQIP është një postim nga: RomeoLab.Com

WordPress është një nga platformat më të përdorura në të gjithë botën. Kohët e fundit ka nisur një përdorim total edhe në gjuhën Shqipe, ku shumë faqe duke parë thjeshtësinë e mundësitë e ndryshme që të ofron WordPress kan kaluar në këtë platformë. Për këtë gjë un po ju ofroj një version tjetër, pak ndryshe nga ai që ndodhet në sq.worpress.org. Ju mund të testoni vet të dy versionet edhe të zgjidhni atë që dëshironi. Në një të ardhme shpresojmë që të dali vetëm një version i plotë për të gjithë.

Duke parë këtë situatë, vendosa që të mundësoj Shqipëtarëve një version Shqip të WordPress i cili mund të përdoret nga të gjithë. Gjithashtu ju premtoj që sapo të dalin versionet e reja të WordPress un do të mundohem të aktualizoj dokumentet e gjuhës shumë shpejt që t’jua lej për shkarkim.

Versioni aktual i WordPress 2.8.4 në gjuhën Shqipe ishte i gatshëm sepse është përkthyer më parë nga një profesor nga Shkodra që unë e falenderoj shumë. Bëhet fjalë për z. Arben Çokaj, me të cilin kontaktova edhe ram dakord që do të bashkëpunojmë bashkë për ti ofruar Shqipëtarëve anembanë botës versionet aktuale të WordPress.

Si e thash më lartë versioni aktual ishtë i gatshëm nga ai edhe un e testova disa herë i ndryshova ndonjë dicka shumë të vogël edhe bëra një tutorial se si ta instalojmë këtë në WordPress.  Ngaqë përkthimi është i gjat mund të ndodh që si mua si atij të na ket shpëtuar ndonjë fjalë ose të kemi përkthyer gabim ndonjë fjalë tjetër. Kështu që na duhet edhe ndihma e të gjith përdoruesve të cilët të na njoftojnë nëse ka dicka që nuk shkon. Mund të lini komentin këtu edhe un do e rinovoj versionin aktual sa më shpejt të jetë e mundur. Mos harroni të na ndiqni sepse për cdo version të ri të WordPress do ju japim edhe versionin në Shqip.

Tani le të shpjegoj me 2 hapa se si instalohet WordPress Shqip në versionin tuaj aktual:

• Si fillim ju duhet të shkarkoni dokumentat e gjuhë shqipe në faqen tonë:

• Pasi ti keni shkarkuar bëni extract (depaketoheni) dokumentit .zip
• Mbasi ta keni bër këtë do të keni një dosje që quhet languages, të cilë duhet ta ngarkoni (me anë të FTP) në folderin (dosjen) wp_content të WordPress.
• Mbasi ta keni bër këtë shkoni në root të instalimit tuaj edhe gjeni dokumentin wp_config.php, hapeni atë dokument edhe gjeni rrjeshtat: define (‘WPLANG’, ”); pastaj zëvendësojeni me këto: define (‘WPLANG’, ‘sq_AL’);
• Ruajeni dokumentin edhe ngarkojeni sërisht në root të instalimit të WordPress.
• Bëni refresh (rifreskim) edhe fshini të gjithë Cache nëse keni plugin si WP Super Cache.

Besoj që t’ja keni arrit qëllimit tuaj. Megjithat unë po ju vendos edhe një video Tutorial që e kam bërë unë ku tregohet secili veprim hap pas hapi. Videoja është në një rezolucion të lartë e mund ta bëni fare mirë e Full Screen (gjith ekran) për të parë hapat më saktë. (Në fillim jan disa sekonda rreklam)

Videon mund ta gjeni gjithashtu tek Galeria e Videove në RomeoLab.

WordPress ne Shqip është një postim nga: RomeoLab.Com

Në këtë Tutorial do ju tregoj se si mund të shtoni një Box në fund të secilit postim që të tregoj disa info për Autorin e postimit. Kjo është një gjë të cilën mund ta përdorin ato Blogje që kanë më shumë se 1 autor ose postues.

Thjeshte ngaqë në blogun tim kan nisur të postojnë edhe persona të tjerë – nisur nga tema GuestPosts – mu desh të kërkoja se si bëhet kjo gjë. Pash shumë plugine por asnjë nuk ishte i saktë edhe shumë kishin gabime. Mund të ndërhyje në function.php por edhe kjo ishte me pak rrezik sepse mund të prishësh strukturen e faqes.

Kështu që zgjidhja me e thjeshte është kjo që do ju tregoj më poshtë. Nëse doni ta shtoni edhe ju atëher ndiqni hapat e mëposhtëm.

Duke qënë se Autor Box shfaqet vetëm në artikuj, dokumenti që ju duhet të modifikoni është dokumenti single.php i templates tuaj. Kështu që hapeni këtë dokument edhe gjeni rrjeshtin e mëposhtëm:

<?php the_content(); ?>

Mbasi ta keni gjetur shtoni rrjeshtat e mëposhtëme  mbas tij:

<div>
<?php echo get_avatar( get_the_author_email(), '53' ); ?>
<strong>Artikull nga</strong><a href="<?php the_author_url(); ?>"><br />
<?php the_author_firstname(); ?> <?php the_author_lastname(); ?></a>
<p><?php the_author_firstname(); ?> ka shkruar <strong><?php the_author_posts(); ?></strong> artikuj. <?php the_author_description(); ?></p><p>Nëse ju pëlqejnë postimet tona mund të abonoheni me RSS ose EMAIL.</p>
</div>

Mbasi të keni shtuar këtë kod duhet të bëni edhe stilimin e tij me CSS. Kështu që hapni dokumentin style.css të templates tuaj edhe vendosni një kod si ky i mëposhtëmi:

.postauthor { background: #f7f7f7;border-top: 1px dotted #ccc;border-bottom: 1px dotted #ccc;padding: 5px;
font:.67em/1.4em verdana;margin-bottom:20px;clear:both;display:block;}
.postauthor img{float:right;margin:3px 8px 0 0;}

Ruani të gjithë ndryshimet edhe ngarkojini sërisht në server.

Tani CSS i dokumentit tuaj mund të jetë shumë ndryshe, kështu që ju duhet ta përshtani atë sipas nevoja të templatës që përdorni. Mund të luani njëcik me pozicionimin, ngjyrat edhe tekstin.

Më poshtë po ju shpresoj disa karaktere të CSS që ti keni parasysh në stilimin e boxit.

• .postauthor – është tagu i shkrimit edhe boxit të autorit.
• .postauthor img – është boxi i cili stilon imazhin ose më saktë fotografinë e vendosur aty

Këto jan dy taget kryesore kurse atributet janë disa si të mëposhtëmet:

• background:#f7f7f7 – kjo është ngjyra e boxit që i jepni ju. Mjafton të ndërroni vlerën e saj edhe ngjyra do ndryshoj
• border/padding: kjo është “hapësira” nëse mund ta quaj kështu shqip se ku zhvendoset boxi në lidhje me faqen. Nëse boxi nuk ju shfaqet mirë provoni të luani me këto vlera që ta përshtatni.
• float: është pozicionimi i një objekti. Në rastin e faqes time është në të djathtë, kurse në shembull e keni në të majtë.

Mbasi të keni bër gjithcka mirë do të keni një rezultat si ky i mëposhtëmi. Në varësi të CSS tuaj apo ndryshimeve të vogla në kodet PHP (nëse keni njohuri ndryshoni) do të merrni edhe ju një box të tillë.

Shpresoj që t’ju ketë pëlqyer ky Hack në WordPress edhe nëse keni pyetje jeni të ftuar ti bëni në komentet e mëposhtëme.

Trego Autorin – Hack është një postim nga: RomeoLab.Com