iPad është “krijesa” më e re e Apple. Një gërshetim midis një Notebook edhe një Bookreader (Kindle i Amazon psh). Të gjithë me zor presin ta provojne, të gjithë duan ta blejne por duhet të presin edhe pak. Gjat prezantimit të saj janë lëshuar ca ekzemplar të cilët ran në duart e gazetarëve apo edhe të përdoruesve të ndryshëm. Mbi ato pak minuta që përdoren iPad ato mundën të nxjerrin edhe përfundimet e tyre. Disa janë të listuara më poshtë:

• Shpejtësia me të cilën punon kjo pajisje është impresionuese. Procesori Apple A4 me 1 GHz punon pa problem duke mos nxjerrur ngadalësime. Memoria flash i jep një dorë më shumë.
• Ekrani është i shndritshëm edhe shumë i thjeshte me u përdorur duke u bazuar tek multitouch. Gjithashtu edhe leximi i librave në të është shumë i thjeshtë në bazë të motorrit grafik Open GL i cili të lejon të shfletosh libra si e bën në realitet.
• Pesha është e shpërndarë në mënyrë të barabartë edhe dikush madje ka thën që është njësoj si të kesh një MacBook Pro të vogël nëpër duar.
• Tastjera e saj virtuale përdoret pa shumë probleme. Thjeshtë në fillim duhet të mësoheni me këtë lloj. Nuk mund të jetë aq e mirë sa një tastjerë reale por prap nuk mbet pas.
• Përvec gjërave të mira, iPad ka edhe disa mangësi. Këtu mund të përmendim mungesën e një telecamere, mungesa e multitasking edhe mos mbështetja e pluginit të flash. Ajo përmban protokollin HTML5 që mundëson edhe shikimin e videove edhe navigimin pa nevojën e flash. Por duhet që ky protokoll të zhvillohet sa më shpejt që mos të ketë probleme në iPad.
• Thuhet që në tool e zhvillimit është një interface që lejon lidhjen e nje telekamere të jashtme.

Këto ishin thjeshtë disa përshtypje të lëna nga përdoruesit e parë por duhet të presim akoma sa të kemi një raport të detajuar. Shumë ankohen, por shumë edhe e pëlqejnë këtë krijesë të Apple. Kur të hidhet në treg do të shihet vërtet suksesi i kësaj pasisjeje. Gjer atëher nuk duhet të bëjmë gjë tjetër vecse të presim.

Click here to view the embedded video.

iPad – Impresionet e para është një postim nga: RomeoLab.Com

Ky është një postim për të gjithë fansat e Apple. Sot është një ditë e shënuar sepse sot është Apple Day. Sot në orën 19:00 Apple do të prezantoj produktet e saj të reja ose rinovimin e disa produkteve të mëparshme. Më e bukra është se Apple nuk nxjerr kurr lajme se cilat janë produktet, por të gjitha lihen surprizë për shown. Ajo që pritet më shumë e që qarkullojnë shumë zëra është Apple Tablet. Një rinovim tjetër i botës së kompjuterave. Por disa zëra thonë që nuk kan arritur ta mbarojnë. Nuk na mbetet gjë tjetër vecse të presim e të shohim.

Ky eveniment transmetohet në LiveTicket ose në Stream nga persona apo faqe të ndryshme.  Unë më posht do të jap disa lidhje për liveticket e një lidhje në gjuhën gjermanet për LiveStream. Nëse dikush ka linke më shumë, atëher është i lutur ti postoj në komente.

LiveTicket:

• Gizmodo.com – http://gizmodo.com
• Engadget.com – http://www.engadget.com
• MacRumors.com – http://www.macrumors.com

Në LiveStream (Gjuha Gjermane):

• Mac TV – http://www.mac-tv.de

Po ju cfarë mendoni? Do arrij apple të prezantoj Tabletin e saj?

Sot eshte Apple Day është një postim nga: RomeoLab.Com

Real Football 2010 është një lojë e cila mund të luhet në iPhone ose në iPod Touch. Versioni 2010 u lëshua pas suksesit të madh që pati versioni i 2009. Falë një grafike të mirë kjo lojë tërheq shumë persona. Ju mund të luani në tre module: i pari është moduli karriere ku ju mund të zgjidhni një lojrat edhe ta shoqëroni në evoluimin e karrierës së tij. Pastaj është moduli i kampionatit me një skuadër që e zgjidhni po ju. Pa harruar këtu edhe modulin e tretë të luajtjes që është ai online që sfidon personat e tjerë.

Ky aplikacion mund të blihet në Apple-Store edhe kushton vetëm 5,49 € e ka një madhësi rreth 114 MB. Më poshtë keni një video që tregon këtë lojë. Shpresoj që t’ju pëlqen edhe të gjith fansave të Apple të na japin një Feedback.

Click here to view the embedded video.

Loje per iPhone/iPod është një postim nga: RomeoLab.Com

HyperMac është një bateri eksterne e cila punon me Apple Macbook duke përfshirë këtu edhe Pro e Air. Kjo bateri është e disponueshme në katër versione, 60 Wh, 100Wh, 150Wh dhe 222Wh. HyperMac mund të furnizoj një Macbook me energji deri ne 32 orë.

Ajo që të dëshpëron gjithmonë tek kto produkte fantastike të Apple është çmimi. Çmimet nisin nga 199,95 $ për versionin me 60Wh deri ne 499,95 $ për versionin me 222WH.

Kjo gjë mund të porositet online që tani e mund t’ju vij në shtëpi nga fundi muajit.

Mund ta porosisni tek faqja  HyperDrive.Com

HyperMac, bateri per Macbook është një postim nga: RomeoLab.Com

Apple ka nxjerr në qarkullim versionin e Safari 4 për Mac/Windows. Versioni i ri ka një Nitro Javascript i cili shpejton ngarkimin e Javascript gjer në 4 herë më shpejtë se paraardhësi i tij Safari 3.

Apple gjithashtu pretendon se aplikacioni Nitro Javascript arrin të hapi të gjithë Javascript gjer në 30 herë më shpejtë se Internet Explorer 7 i Microsoft dhe 3 herë më shpejtë se Firefox 3. Gjithashtu thuhet se ngarkon faqet HTML 3 herë më shpejtë se IE 7 dhe Firefox.
Safari 4 përfshin të gjithë shërbimet e mëposhtëme:

• Top Sites – shfaqja e faqeve më të vizituara në një tip muri, kështu që perdoruesit mund të kalojne tek faqja e tyre e preferuar vetëm me një klikim.
• Full History Search – që do të thotë kërkim i plotë i “historisë” së shfletuesit tuaj. Përdoruesit mund të kërkojnë përmes titujve, adresave të webit, një teksti të paradhënë, faqet e fundit të vizituara dhe mund të kthehen shumë kollaj tek faqja që po shihnin më parë.
• Cover Flow – që pretendon të bëj kërkimin në Web History edhe Bookmarks aq të thjeshtë e argëtues sa edhe kërkimi i albumeve në iTunes.
• Tabs on Top -  vendosja e Tab në maj të shfletuesit, gjë që bën lundrimin në internet më të thjeshtë. Gjithashtu do të jenë të integruara edhe Drag-and-Drop për një menaxhim me të thjeshtë.
• Smart Address Field – ky shërbim mundëson kompletimin e një adrese interneti që ju jeni duke e shkruajtur.
• Smart Search Field -  ku përdoruesit  do të marrin sugjerime nga Google ose sugjerime nga kërkimet e fundit nëse janë duke kërkuar diçka.
• Full Page Zoom – nënkupton zmadhimin  komplet të faqes, gjë e cila mundëson një shikim më të qartë e më të pastër, pa pasur humbje në cilësinë e layout apo tekstit.
• Built-in Web Developer Tools to Debug – kjo nënkupton një sërë shërbimesh që mundësojnë përshtatjen sa më të mirë të shfletuesit.
• Windows-Native Look for Windows – ky shërbim është për përdoruesit e Safari në Windows. Pra shfletuesi i përshtatet sistemit operativ ku është instaluar edhe merr paraqitjen e aplikacioneve të sistemit. E thënë ndryshe, nuk do të keni më paraqitjen e Safarit në stilin Apple kur ta keni instaluar në Windows.

Safarin mund ta shkarkoni duke klikuar këtu edhe risitë mund ti shikoni më të shtjelluara nëse klikoni këtu.

Apple lancon Safari 4 Beta është një postim nga: RomeoLab.Com